Gerîlayanê Yewînanê Rojhelatê Kurdîstanî (YRK) derheqê tecrîdê Rayberê Şarê Kurdî Abdullah Ocalanî, îşxalê Kurdîstanî û wezîfeyanê kurdan de ANFyî rê qisey kerd.

Gerîla Serhed Hewramanî vat: ''Dişmen seba ke verê Rayberîye û kurdan bigêro tecrîd ferz keno. Seba ke tecrîd bêro wedaritene ganî ma pêro wezîfeyê xo bîyarê ca. Zîndanan de xoverdayîş ho beno pîlêr.Ganî ma pêro bi îradeyêkê xurtî dişmenî rê mesajê 'ti nêeşkenî Rayberê ma tecrîd bikerî' bidê. Tecrîdê vera Rayberê Şarê Kurdî Abdullah Ocalanî tecrîdê vera pêro kurdan û bindestan o''

Gerîla Çîyako Armancî vat: ''Rayberê ma kurdî mergî ra xelisnayî. Tecrîdê vera Rayberîye tecrîdê vera merdimîye, haştî û aramîye yo. Sey gerîlayanê YRKyî ma xo nê prosesê tecrîdî ra mesuldar vînenê. Esîrkerdişê Rayber Apoyî esîrkerdişê azadîye yo. La dişmen zî zaneno ke azadîye nêna esîrkerdene. Wezîfeyê ma yo ke ma wayîrê Rayberîya xo vejîyê. Çunke ey pêro emrê xo kurdan rê feda kerd.''

Gerîla Agir Efrînî vat: ''Dişmen wazeno tecrîd vera pêro Kurdîstanî ferz bikero û na polîtîka hetê îqtîdarê AKP-MHPyî ra yena caardene. Her roje dew, koy, şaristan û texê Kurdîstanî dîyenê bombayan ver, kurdî yenê qetilkerdene. Nê pêro Komploya vera Rayberîye ra dima dîyayî destpêkerdene. Xoverdayîşê Rayber Apoyî pêro kurdan rê ferman o, pêro gerîlayan rê perspektîf o û pêro kurdan rê hêvî û têkoşîn o. Ez venga pêro ciwananê kurdan dana ke vera îşxal û tecrîdî têkoşîn bikerê.''