Merkezê Îrtîbat û Çapemenîye yê HPG’yî derheqê çalakîya hewayîye ya Çelê de eşkerayîyêk daye.

Eşkerayîye de ame vatene, “Çarçewaya Hemleya Şorişgêrî ya Şehîd Bager û Şehîde Ronya de ke Wareyê Pawitişî yê Medya de dewam kena, 6’ê Gulane (vizêr) saet 16:40 de hêzanê ma qezaya Çelê ya Colemêrgî de, hemverê Qereqolê Girê de çalakîyek viraşte. Na çalakîye de hewa ra xeylî bombayî qereqolî ser o ameyî varnayene û derbe dîya ê awanî û meterîsan ro.

Derheqê kişteyanê dişmenî de hayîdarî nêamî girewtene. Dimayê çalakîye hetê Qereqolê Girê ra dorme ame topvarankerdene. Teyareyanê şerî yê artêşa Tirkî ya îşxalkare, mabênê saetanê 16:50 û 17:15 de wareyanê Kurêjehro û Çemço yê Zapî ser o bombayî varnayî. Bombardûman de zirar nêgina hêzanê ma ro, la coxrafyaya Kurdistanî ser o zirarê ci virazîya.”