Gerîlayî: Ma do hesabê qirkerdişan bipersê
Gerîlayanê YJA-Starî û HPGyî îfade kerd ke cuyê Sakîne Cansiz û şehîdanê Parisî yê bînan seba înan çimeyê îlhamî yê. Gerîlayan vat: ''Ma do hesanê qirkerdişan bipersê.''
Gerîlayanê YJA-Starî û HPGyî bi wesîleya serrgêra 10. ya Qirkerdişê Parisî yê 9ê Çeleyê 2013î ANFyî rê qisey kerd.
Gerîlaya YJA-Starî Dunya Havar vat: ''Embaze Sara (Sakîne Cansiz) pêro cinîyan rê bîya îlham. Ma aye sey sembola cinîya azade vînenê. Xêrê têkoşînê aye ra ewro şarê kurdî, cinîyê kurdî bîyî wayîrê ferasetî.''
Gerîlaya YJA-Starî Warşîne Çîya vat: ''Embaze Sara kedêka pîle dabî artêşbîyayîşê cinîyan û têkoşînê cinîyan. Embaze Sara de ma têkoşînê şehîdan û pratîkê şehîdan dî. Ma do sey teqîbkerdoxanê aye têkoşînê embaze Sara, Rojbîne û Ronahî û têkoşînê şehîda Qirkerdişê 23yê Kanûne embaze Goyî berzêr bikerê.''
Gerîlayê HPGyî Firat Amedî vat: ''Embaze Sara hem vera dişmenî hem zî vera kanperestan tim sere wedarit. Aye tim xeta partîye xo rê kerde esas. Embaze Sara bi hawayêkê fedayî têgêraye. Ma do qetî qesasê înan bigêrê.''
