Gerîlayanê HPG û YJA-Starî ANFyî rê qisey kerd û Zîlane (Zeynepe Kinaci) a ke 30ê hezîrana 1996î de Dêrsim de çalakîya fedayîye kerdbî, yad kerde.

Gerîlayê HPGyî Orhan Lotusî şexsê şehîde Zîlane de pêro şehîdê şorişî yad kerdî û vat: ''Manîfestoyo ke embaze Zîlane ma rê verdabi manîfestoyê azadî û pawitişê Rayberîye yo. Zîlane derbêka tewr pîle daye dişmenî ro, coka Rayberîye û têgêrayîşê ma Zîlane sey fermandarêka pîke name kerde. Ma zî nê bingeyî ser o têkoşînê xo rê dewam kenê. Ganî ma bi têkoşîn û xoverdayîşê xo layîqê xeta Zîlane bibê.''

Gerîlayê HPGyî serbest Guyîyî dîyar kerd ke ruho fedayî yê şehîde Zîlane şerê Zap, Metîna û Avaşînî de gandar o û vat: ''Şerê Herêmanê Pawitişî yê Medya şerêko normal nîyo. Dişmen her warî de hêrişê ma keno û wazeno pêro Kurdîstanî îşxal bikero. Ma do bi xoverdayîş û têkoşînê xo do wayîrê çalakîya xeta Zîlane vejîyê. Ma venga pêro ciwanan û şarê xo danê ke seba serkewtişê nê şerî têbigêrê.''

Gerîlaya YJA-Starî Têkoşîne Elbak vat: ''Embaze Zîlane serkêşanê tewr pîlan ra yew a. Ma do tim xeta aye xo rê esas bigêrê. Herêmanê Pawiitişî yê Medya de şerêko giran est o. Ganî ma wayîrê şarê xo, Rayberîya xo û şehîdanê xo vejîyê. Ganî ma ruhê Zîlane û Egîdî tim gandar bikerê. Ma sey gerîlayan hêzê xo şarê xo ra gênê. Ganî ciwanê kurdî verê xo bidê koyan û paştî bidê xoverdayîşî. Bi nê hawayî ma do tecrîdê Îmraliyî bişiknê.''