Gerîlayanê YJA-Starî bi wesîleya serrgêra şehadetê Zîlane hîsê xo ardî ziwan û vat: ''Zîlane bingeyê têkoşînê ma ya û ewro çeperan de xeta Zîlane ser de bi hezaran gerîlayî şinê.''

Raperîne Zinar: Embaze Zîlane ma rê xetêk a. A embaza Rayberîye bîye û çalakîya ci çalakîyêka pîle bîye. Çalakîya aye ra dima bi hezaran cinîyî rêçê aye de şîyî. Embaze Zîlane xetêke mojnaye cinîyan û eşkera kerd ke cinîyî wayîrê cesaret û hêzî yê. Coka bi hezaran cinîyî rêçê aye de şinê. 

Arîne Merwan: Ewro serrgêra şehadetê embaze Zîlane ya. Ma aye bi rêzdarî yad kenê. Embaze Zîlane xeta raştikêne ya Rayberîye mojnaye. A ma rê sembolêk a. Rayber Apoyî tim a sey mîsale mojnayêne û vatêne a fermandarê ey a û manîsfestoyê cuye ya. Coka ma embaze Zîlane mîsal gênê û xeta aye xo rê kenê esas.

Avjîne Çîya:  Embaze Zîlane îradeyêko pîl eşkera kerd. Ma ewro bi ruhê aye vera hêrişan xo ver danê. Mîyanê ma de bi hezaran Zîlanî est ê. Wexto ke qala aye yena kerdene hîsê eşq û azadîye yenê vîrê merdiman. Zîlane sembola azadîye û raştîye ya. PKK rêxistinêka winasêne ya ke Zîlanan awan keno.

Arîne Mîlad: Embaze Zîlane xo resna leweyê tewr berzî yê cuye. Aye Rayber Apo fam kerd û îdeolojîya ey daye ciwîyayene.  Zîlane bingeyê têkoşînê ma ya û ewro çeperan de xeta Zîlane ser de bi hezaran gerîlayî şinê. Ma xêrê kedanê embazanê sey Zîlane ewro payan ser de yê. Nê şehîdî moralî danê ma.

Havîne Arjîn: Embaze Zîlane waşt bi çalakîya xo cewab bida xîretê komployê vera Rayberîye. Çîyo ke Rayberîye waştêne embaze Zîlane no fam kerd û waştişê ey ard ca. Ewro teqîbkerdoxê embaze Zîlane xeyalanê aye anê ca. Hewn û xeyalê aye çita bibo zî ma do bîyarê ca û gonîya ci erd de meverdê.