Gerîlayê HPGyî û YJA-Starî xoverdayîşê xo û qerardarîya xo ya têkoşînê serra newîye ser o ANFyî reyde ercnayî.

Gerilaya YJA Starî Dîcle Serbilind vat: "Sere de dewleta tirke û artêşa ci xîret kenê kederbeyanê giranan bidê gerîlayan ro. Seba çinkerdişê gerîlayan çend israr kenê wa bikê, gerîlayî kome bi kome her koyê Kurdîstanî de wezîfeyê xo kenê. Pawitiş û mewzîyan de bire û îradeyê xo eşkera kenê. Her parçeyê Kurdîstanî ser o gefê çinkerdişî estê. Ma na serre xo seba xoverdayîşêkê tarîxî amade bikê. Têna armancê gerîlayan no yo ke vera tehlûkeyan, hêrişan, qirkerdişan ê ke yenê plankerdene cewabêk bidê.

Gerîlayê HPGyî Sîdar Rûbarî vat: ''Gerîlayî tecrîd û îzalosyonê vera Rayber Apoyî qebul nêkenê û serra newîye de bi têkoşînê xo do sîstemê Îmraliyî birijnê. Ma sey gerîlayanê HPGyî xo seba hemleyanê tarîxîyan û şorişgêran amade kenê. Mîyanê nê hemleyan de azadîya şarê ma û azadîya Rayberê ma qetî yê. Her gerîla bi nê armancî xo ver dano. Ma do bi girdkerdişê xoverdayîşî  ser bikewê."