Mehmet Şîrîn Îşlak serra 1995 de qezaya Hezexî ya Şirnexî de ame dinya û bi hîkayeyanê gerîlayan ke wextê domanîya xo de goşdarî kerdîbî bi pîl. Bala ê roje bi roje hîna zaf şina serê gerîlayan. Wextê mektebe de hemverê qedexeyê serê Kurdkî yê mamosteyan de û hemverê zulmî de tim sere wedareno. Her ke firsend vîneno seba vînayîşê gerîlayan verê xo dano koyan. Hewn û xeyalê ci rojêk bica yeno.

Gerîlayî yenê dewa înan û a roje ra nata hendî înan ra nêvisêno. Mehmet Şîrîn Îşlak seba ke xo biresno embazîye û ruhê koyî, vano ke o wazeno tewrê mîyanê refanê mucadeleyî bibo. La belê gerîlayî ci ra vanê ke dimayo ke ti tayê zî bî pîl ti a game eşkenê tewrê ma bibê. Mehmet Şîrîn Îşlak zî bi hawayêkê bêsebrî heta 2013 de tewrê refanê PKK’yî bibo paweyê demê xo beno.

Mehmet Şîrîn Îşlako ke serra 2013 de tewrê refanê PKK’yî bi, seba girewtişê qesasê çîyanê ke ameyê antene, bi nameyê Firat Tolhildanî mîyanê tarîxê mucadeleyî de veng da. Îşlak hendî beno şerwanêk û serê nê erdan de bi serberzî seba xo û şarê xo dest bi mucadeleyî keno.

Kedkar Û Rîhuyaye Bi

Mehmet Şîrîn Îşlakî vero ke şehîd bikewo roportajêkê xo de wina vatêne: “Cuya gerîlayî, serkêşîya gerîlayî seba şarê Kurdî hîsêko cîya yo. Qîrayîşê tarîxê Kurdan koyan de tim veng dano û ganî ma cewab bidê nê qîrayîşî. Zereyê cimatî de embazîya cinî û camêrdî cîya û şaş yena famkerdene. Labelê mîyanê gerîlayan de hal bi nê hawayî nêyo. Hemrayîyêka xozayîye esta. Ê di hemra yê ke her ca de heman karî kenê, heman meterîsî de şer kenê û seba heman dewa mucadele kenê.

Her çar perçeyan ra tewrbîyayîş esto. Perwerde de ma xo û tarîxê xo nas kenê. Bi îdeolojîya Rayberîye ma xo newe ra afernenê û xo gureyanê demî rê amade kenê. Dişmenî tarîxê m abi zûran serûbin kerdo. Ma zî bi mucadeleyê xo tarîxê xo newe ra bi hawayêkê rastî nûsenê û resnenê meşte. Bêguman na yewe bi saya Rayberîye û bi saya hemrayanê ma yê ke mîyanê mucadeleyî de şehîd bîyê, bica yena.”

Mehmet Şîrîn Îşlakî bi kedkarî û bi rîhuyayîya xo cayê xo mîyanê mucadeleyê gerîlayan de girewt. Ê vatêne, “Ez rayîr de xo hîna rind nas kena.” Ê her vîste manîdar kerdêne û bin ê hawayî mucadele kerdêne. Îşlak serra 2017 de Botan de operasyonêk de şehîd bi.