Garîlayanê YJA Star û HPGyî  bi wesîleya serrgêra Komployê Mîyanneteweyî yê vera Rayberê Şarê Kurdî Abdullah Ocalanî ANFyî rê  qisey kerd.

Berwelate Botan: ''Ma do Rayber Apoyî Îmrali ra vejê, Kurdîstan û şarê ci azad bikerê û  na roja sîyaye bikerê roja sipîye. Koyê Zagrosî zor û serewedarte yê ma zî tîya bi eşqekê girdî cuyene û soz danê ke ma do semed azadîya şar û Rayberê xo têkoşînî xurt bikerê.''

Devrîme Koçer: ''Rayber Apo têna semedê kurdan nê semedê heme şaranê bindestan reçeteyê xelisnayîşî  dano. Coka bi hedefê û komployî. Rayberê ma bi felsefe û îdeolojîya xo cayê ma de yo. Ma naye xo vîr ra mekerê; PKKyî bi 6 tenan dest pê kerd la nika resa mîlyonan.''

Sîdar Amed: ''Şexsê Rayber Apoyî de heme merdimîye rê komplo ame kerdene. Felsefeyê Rayberîye vera mordernîteyê kapîtalîstî alternatîfêk o coka înan  o xo rê sey tehluke dî û seba ke îqtîdarê înan merijîyo waşt ke vernîya ey bigêrê. La ê se kene wa bikerê nêeşkenê îdeolojîya Rayberîye çîn bikerê. Ma do bi felsefeya Rayber Apoyî ser bikewê.''

Şoreşger Xeregol: ''Şorişê Rojawanî ramojneno ke Komployê 15ê Sibate pûç ame vetene û vera faşîzmî têkoşîn ser kewto. Heme şar û îtîqatî vera hêrişê artêşa tirke çeteyanê ci pîya xo ver danê. Ma sey gerîlayî do rêça Rayber Apoyî de xoverdayîş gird bikerê û ser bikewê.''