Merkezê Çapemenî û Îrtîbatî yê HPG’yî da zanayene ke çarçeweya Hemleya Şorişgêre ya Şehîd Bager û Şehîde Ronya de çalakîya ke vera artêşa Tirkî ameye viraştene de tewr tay 9 eskerî ameyî kiştene.

Eşkerayîya HPG’yî wina ya: ‘’Artêşa Tirkî ya îşxalkare Herêma Gelîyê Doskî ya qezaya Geverî ya Colemêrgî de operasyon dabi destpêkerdene. Îşxalkarî dewa Berderêşê de xo ca kerd. Hêzanê ma 23’ê Temmuze da mewzî û stargehê îşxalkaran hedef girewtî. Çalakîya ke mewzî û stargehê dişmenî di hetan ameyî pirodayene de yew banê dişmenî ame îmhakerdene, wesayîtêkê înan zî ame derbkerdene. Netîceya na çalakîye de tesbîtkerde 9 eskerî ameyî kiştene û xeylî zî birîndar bîyî. Dimayê çalakîye îşxalkarnaê Tirkî şiwananê dewe rê îşkence kerd û dekewtiş û vejîyayîşî dewe qedexe kerd.

26’ê Temmuze artêşa Tirkî herêma dewanê Pagenkê û Kevlegundê ya Geverî de operasyonêk da destpêkerdene. Derheqê operaysono ke yeno domnayene de xeberê ke bêrê girewtene do rayapêroyî de  bêrê parekerdene.

25’ê Temmuze de teyareyanê şerî yê Tirkî herêma dewa Kanî Sarkê ya Bergare ya pabesteyaa Gare bombardûman kerde. Bombardûman de vînîbîyayeyê ma çîn ê, bag û bagçeyanê şarê herême zirar dî.’’