8ê sibate de dewa Cawuşî ya qezaya Gogsî ya Erziromî de polîsan  eşt keyeyêk ser û şarê keyeyî rê îşkence kerd. Sereştiş de Îrfan Arslan cinîya ci Şevîne Arslan û babîyê ci  Halîs Arslan ameyî destbendkerdene.

Ame zanayene ke Îrfan Arslano ke sereştişê polîsan de raştê îşkenceyî ame û 2 parsûyê ci şikiyayî û çare, pirnike û qafê ci de birînî estê, rixmê naye Nêweşxaneyê Dewlete yê Gogsî û Nêweşxaneyê Perwerde û Cigêrayîşî yê Herême yê Erziromî de raporê derbe ci nêdîya.

Hîrê tenê ke çar rojî yo nezaret de yenê tepiştene ewro vejîyayî mehkeme. Îrfan Arslan bi îdîaya hetkarîya rêxistine ame tepiştene û ame şawitene Zîndanê Tipê E yê Erziromî. Şevîne û Halîs Arslan zî bi şerte kontrolê edlîyî ameyî veradayene.