Grevê Başûrê Kurdistanî bi qerardarîye dewam keno
Grevê vêşanîye yê Nasir Yagizî yê Hewlêrî roja 146’ine de yo. Rewşa weşîye ya Yagizî roje bi roje girantir bena. Grevê vêşanîye Silêmanî de û Mexmûr de zî bi qerardarîye dewam kenê.
Xoverdayîşê grevê vêşanîye yê vera tecrîdkerdişê Rayberê Şarê Kurdî Abdullah Ocalano ke serkêşîya Hemsereka KCD’yî Leyla Guvene dest pêkerdo her cayê Kurdistanî û teberê welatî ra vila bi.
Grevê vêşanîye yê Nasir Yagizî yo ke Temsîlkarîya HDP’yî yê Hewlêrî ya Başûrê Kurdistanî de dest pêkerdibi roja 146. de bi qerardarîye dewam keno.
Derbazbîyayîşê rojan reyde zî wareyê weşîye de her ke şino rewşa Yagizî girantir bena.
Silêmanî
Çalakîya grevê vêşanîye yê bêdem û biagêrayîşî ya ke rayberîya Komela Karkeranê Mezopotamya ya Silêmanî de vera tecrîdê serê Rayberê Şarê Kurdî Abdullah Ocalanî amebî destpêkerdene roja 122. de dewam kena.
Grev hetê gruba 62’ine ra 4 hemwelatijanê ke çar parçeyanê Kurdistanî ra ameyê têhet dewam keno.
Mexmûr
Grevê vêşanîye yê bêdem û bêagêrayîşî yê endama Koordînasyonê Meclîsê Îştarî Fedîle Toke zî roja 86. de yo.
Çalakîya bêdem û biagêrayîşî ya hemwext a ke Dezgehê Keyeyê Şehîdan de dewam kena zî bi gruba 40’ine, roja 120 ‘ine de ya.
