Grûba 4’ine çalakîya Wanî derw girewte

Çalakîya ke seba bale biancîyo grevanê vêşanîye yê semedê wedartişê tecrîdê serê Ocalanî Wan de amîbî destpêkerdene hetê grûba 4’ine ra amî dewrgirewtene.

Seba wedaritişê tecrîdê serê Rayberê Şarê Kurdî Abdullah Ocalanî bi hezaran kesî kewtî grevê vêşanîye. Çalakîya ke Wan de seba paştdayîşê nê çalakîyan yena viraştene hetê grûbe 4’ine ra amî derwgirewtene. Xeylî kesî tewrê çalakîya ke do 3 rojî banê Partîya Şaran a Demokratîke (HDP) yê qezaya Îpekyolû de dewam bikero bîyî.

Merdima tepişteyan Emîne Bozkûrta ke verê çalakîye eşkerayîyêk daye vat ke tecrîd tena serê şarê Kurdî de nê, hemeyê şaranê ke Rojakewtena Mîyanêne û Tirkîya de ciwîyenê ser o yeno bicaardene. Bozkûrte ard vîrî ke grevê vêşanîye heman wextî de çalakîyanê bianoran ra yew o.