Seba wedaritişê tecrîdê serê Rayberê Şarê Kurdî Abdullah Ocalanî bi hezaran kesî kewtî grevê vêşanîye. Çalakîya ke Wan de seba paştdayîşê nê çalakîyan yena viraştene hetê grûbe 5’ine ra ameye derwgirewtene. Xeylî kesî tewrê çalakîya ke do 3 rojî banê Partîya Şaran a Demokratîke (HDP) yê qezaya Îpekyolû de dewam bikero bîyî. Çalakîye re eleqedarîye ya girde esta.

Çalakwanan ra Rojbîn Akdage ard ziwan ke tecrîdê serê Ocalanî heme kesan rê yeno kerdene û va: ’’Rewşa xoverdayoxan kewta merheleya krîtîke. Ma nêwezanê yewna xebera mergî bigêrê. Coka ma do heta wedartişê tecrîdî çalakîyanê xo rê dewam bikero.’’

Seyfetîn Ertaşî zî vera tecrîdî reaksîyon da û va: ’’Embazê ma yê ke grevê vêşanîye de yê tena nêyî. Ma zî seba ke paştî bîdê înan çalakîye de yê. Ma heta ewro milê xo çewt nêkerd do ewra ra tepîya zî çewt mekerê.’’