Gulîstane Doku tewr peynî de bi embazê xo Abarokî qisey kerdo
Goreyê zanayîşanê ke ameyî girewtene Gulîstan Doku ya ke 6 rojî yo vînîbîyaye ya tewr peynî de bi embazê xo Zaynal Abarokî telefon de qisey kerdo.
Gulîstan Doku ya ke Unîversîteya Munzurî de Beşê Averşîyayîşê Domanan wanena 6 rojî yo rixmê heme cigêrayîşan ci ra xebere nîna girewtene. Vejîya werte ke Doku tewr peynî de bi embazê xo Zaynal Abarokî telefon de qisey kerdo.
Zaynal Abarok eslê xo de rûs o, Rûsya de ameyo dinya û ûca bîyo pîl. Bado ke maya ci bi polîsêk zewijyaye Dêrsim de sey lajê polîsî ciwîyeno.
