Çalakîyê protestetokerdişê operasyonanê vera HDPyî dewam kenê. Rêxistina HDPyî ya Dêrsimî  Kuçeyê Sanatî de eşkerayîye daye. Hemsereka Kongreya Komelê Demokratîkî (KCD) Leyla Guvena ke çalakîya qisey kerd, vist vîrî ke şarê kurdî zaf zextî dîyî la çirey vera înan milê çewt nêkerd û do ewro ra tepîya zî milê xo çewt nêkero.

Guvene vat: ''Ma şar ê. Coka ziwan, kultur û nasnameyê ma esto. Ya ma pê înan ciwîyene ya zî qet nêciwîyenê. Êyê ke bi nê hêrişan HDP û dostanê kurd û tirkan rê çok bidê dayene, wa hol bizanê ke ê do çirey ser mekewê. Ganî heme ke  heqê merdiman û wayûbiratîya şaran pawinê ewro vengo berz vejî. Her bêvengîye paştî dana îqtîdarî. Eke cepheyê demokrasî xurbîyêne AKP nêeşkayêne bi deshezaran sîyasetmedaranê HDPyî pîya bi hemserekanê ci tepişo. Îqtîdarê AKP-MHPyî qeyûm nêeşêtne şaredarîyanê kurdan. AKPyî hema hesabê Roboskî nêdayo. Nê pêro rîyê bêvengîya muxalefetî ra qewimîyenê. Ma verdênê pê û sîstemê xo yê faşîzmî nanê ro. Ma sey vizêrî ewro do semedê nasname û kulturê xo têkoşîn rê dewam bikerê. Senî ke Apê Mûsa vano; kurdan rê têkoşîn keweno. Ma do çiey têkoşînî camêverdê.''