Guvene: Ma do çirey vera zextî milê xo çewt nêkerê

Hemsereka KCDyî Leyla Guvene vera operasyonê qirkerdişê sîyasîyî hêrsê xo ard ziwan û vat: ''Ma do çirey milê xo çewt nêkerê, bi seferberîye têkoşîn bikerê û plananê înan pûş vejê.'

Çarçewa operasyonê qirkerdişê sîyasîyî yê vera Kongreya Demokratîke ya Komele (KCD) de qerarê destbendkerdişê 101 kesan dîya ci, heta nika 72 kesî ameyî destbendkerdene.

Hemsereka KCDyî Leyla Guvene ard ziwan ke ê do çirey konseptê planê çokdayîşî qebul nêkerê û rixmê heme herîşan têkoşînî pîlêr bikerê.

Guvene vat: ''AKP 'vano meseleya kurdî çîn a.  Ma çareser kerda.' Verî Mutabaqatê Dolmabahçe û heme pêvnayîşî red kerdî. Ewro zî sere de Amed xeylêk bajaran de qerarê destbendkerdişê 101 kesan vet ke eleqedarîya înan bi KCDyî esta. No operasyon ramojneno ke peynîya AKPyî ameya. Êyê ke bi zîhnîyetê dîktatorîye îqtîdarê xo rayra benê wextê vînîkerdişî de hîna benê hêrişkar. Wazenê ke her kesî bi tersî bigerê binê kontrolê xo. Sere de Yewîya Ewropa heme dezgehê Ewropa amedekarîye kenê ke vera Tirkîya ambargo ronê. Cunku Tirkîya de sere de hukm çîyêk raşt rayra nêşino. Atosfero winayên de çîyo ke îqtîdar tewr hol keno, hêrişê vera kurdan o. No têkoşînê vera terorî nê, têkoşînê vera kurdan o.  Cinî, doktor, avûkat ferq nêkeno înan rê. Wa kurd/e bo beso. Îqtîdar xo mîyan de kewto têmîyan. Ê  pêrodayîş kenê kurdî binê lingan de şinê. La ma do çirey nê polîtîkayan rê milê xo çewt nêkerê. do çirey konseptê planê çokdayîşî qebul nêkerê û rixmê heme herîşan têkoşînî pîlêr bikerê. Ma do bi seferberîye têkoşîn bikerê û plananê înan pûç vejê.''