Bi wesîleya serrgêra xoverdayîşê xoîdarekerdişê Cizîre yê 2015î  bi aktîvîteyêke şehîdî ameyî yadkerdene.  Aktîvîteya ke banê HDPyî ya Cizîre de ameye kerdene Hemserekê KCDyî Leyla Guvene û Berdan Ozturk, wekîlê HDPyî yê Şirnexî Nurane Îmîr û Hasan Ozguneş û merdimê şehîdan tewrê ci bîyî. 

Aktîvîteya ke bi rêzgirewtişî ameye destpêkerdene de pankarata ''Ma xover da, çok nêda, pê ma sareberz bê'' ameye dalignayene.

Yadkerdiş de verê Nurane Îmîr qisey kerd û vat ê do xoverdayîşanê şehîdan bidê domanyene. Bedran Ozturkî zî ard ziwan ke hukmatê AKPyî 14ê kanûna 2015î de planê çokdayîşî vist dewre la xoverdayîşê xoîdarekerdişî planê înan pûç kerd. Leyla Guven zî  ard ziwan ke seba ke înan xoverdayoxî nas kerdî şay û sereberz ê û vat: ''Ma tim vanê ma kurd ê, welatê ma Kurdîstan o. Rixmê heme hêrişan ma do çirey teslîm mebê. No zî îna keno gej. Beno ke înan gan û zerrîya ma vêşna la serekwtiş ê ma yo.  Şexsê birêz Ocalanî de 22 serrî yo şaranê Tirkîya ser o tecrîd yeno rayraberdene. Ça beno wa bibo ma do tim xover bidê. Seyîd Riza û Şêx Seîdan ra nata xoverdayîş dewam keno. Sey hukmatanê verênan ê zî do şirê ma la ma sey şarê xoverdayoxî do tim tîya bê. Xoverdayîşo destankî yê şarê Botanî esto. Reyna Silopî, Nisêbîn, Gever û Sûr xover da. Ma pê înan sereberz ê. Mucadeleyê înan hêz dano mucadeleyê ma. Ma do xoverd bidê û ser bikewê''

Yadkerdiş pê wendişê mewlîdî û slogananê ''Wa biciwîyo xoverdayîşê Botanî'' û ''Şehîdî nêmirenê'' qedîya.