Fermandaranê HPGyî ra Hakî Armancî hêriş û îşxalê dewleta tirke de rolê PDKyî ANFyî rê ercna.

Qiseykerdişê Armancî ra beşêk wina yo:

''Vera gerîlayan hêrişê giranî estê la gerîlayî rixmê şert û mercanê zimistanî û nînan zî vera hêrişanê toptekunî pêro waran de seba rûmet û pawitişê şarê xo têkoşîn kenê.

Heftanîn de dişmen bi teknîk, kontra û cerganê xo  bi hetkarîya 'kurdan ê xayînan' hêrişê gerîlayan keno. Gerîlayî bi tecrube, teknîk û taktîkanê xo ca nêdanê dişmenî.

Verî KCK, Fermandarîya MPŞyî û xeylêk embazanê ma eşkerayîyî dayî û derheqê PDKyî de qisey kerd. Seke înan zî vat ma terefgîrê şerî nîyê. Ganî mesele pê dîyalogan çareser biba. Rayaumûmîye zî wina veng da. Rixmê nê vengdayîşan zî PDKyî roje bi roje amadekarîya şerî kerde.

Di rojî verî zî PDKyî hêrişê embazanê ma kerd. Êyê ke bi nê hawayî xizmetê dewleta tirke kenê dişmenê kurdan ê. Ê waştişanê dewleta tirke anê ca. 

Qaşo PDK hêzê pawitişî yê Kurdîstanî yê. La derheqê çalakîyanê ma de agahdarî danê dişmenî û wexto ke embazî xo apey gênê ê danê embazan ro. Yanî hêzê PDKyî hele bi hele zanayîş danê dişmenî û dişmen zî dano embazan ro.

Keso ke hêrişê peyênî de PDKyî ra merd, keso kontra yo. No kes têgêrayîşê ma ra cîya bibi û dima MÎTî no kes perwerde kerd. Kincê pêşmergeyî serê ci de bi la endamê MÎTî bi. Ma heta nika sebir kerd. 

Destê Erdoganî de gonîya kurdan esta. Tay kesî bi kincê pêşmergeyan paştî danê Erdoganî, hetkarîya ci kenê. Rêxistina ma pêşmergeyan rê hûrmet kena. La nê kesê ke hêrişê embazanê ma kerd pêşmerge nê kontra yê. Gerîlayî hêzê fedayî yê. Çew nêeşkeno verê gerîlayan de vindero.

Ganî hêzê PDKyî nê fam bikerê, bi mesuldarî têbigêrê û gpş bidê vengdayîşanê ma ser. Têgêrayîşê ma vato 'ma şer nêwazenê.' Ganî PDK ney bizano. Şero winasên do têna keyfê dewleta tirke bîyaro. Ma do nêkewê na dafike.''