Hemsereka Komeleya Huqûqnasanê Seba Azadîye (OHD) ya Amedî Halîse Darali derheqê tecrîdê  vera Rayberê Şarê Kurdî Abdullah Ocalanî  û grevê vêşanîye de ANFyî rê qisey kerd.

Dakali bale ante prosesê çareserîye ser û îfade kerd ke Abdullah Ocalan nê prosesî tim seba şaran û demokrasî têgêra.

Avûkate Dakali vat: ''Pêşnîyaz û çareserîyê Ocalanî xizmeyê haştîye kenê. Posesî ra dima paştdatîşê şarî destê îqtîdarî ra şi. Prosesî ra dima tecrîdo mutlaq visîya dewre û vera şaranê Tirkîya polîtîkaya teda ameye caardene. Tecrîd teknîkê îqtîdarî yo û nika no tecrîd pêro welatî ra vila bîyo. CPTyî zî pê raporê xo yê peyênî waşt ke tecrîd wedarîyo. La Tirkîya waştişê CPTyî nêard ca. Dewleta tirke pê bahaneyan pêvînayîşê keye û avûkatan asteng kerdî. Tecrîd binpaykerdişê qanûnanê Tirkîya û mîyanê neteweyî yo. Prosesê çareserîye de şar nefes girewtbi. Seba ke no nefes mende bibo ganî îradeyê haştîye bikewo dewre.''

Halîse Dakali grevê vêşanîye yê tpişteyan ê vera tecrîdî vist vîrî û vat: ''Heq û azadîya tepişteyan bi hawayêkê keyfî yenê binpaykerdene. Grevê vêşanîye ganî sey nîşaneya azadîya îfadeyî bêro dîyene. Tepişteyî vera cigêrayîşê rûtî, pê kelemçe şîyayîşê nêweşxaneyî, astengkerdişê pêvînayîşî û tecrîdî grevê vêşanîye kenê û ganî peynîya nê kerdişan bêra ardene. Seba ke cewab bêro dayene waştişanê meşrûyan ê tepişteyan ganî komel bi qerardarî têbigêro. Ganî tecrîd cade biqedı û waştişê tepişteyan bêrê caardene.''