HDP’yî bi îtîrazê îstîsnayî muracatê YSK’yî kerd û ci ra waşt, qeydê weçînayoxanê bêûsulan ê weçînayîşê 31’ê Adare yê Şemzînan û Bajêrganî bêrê etudkerdene û nê her di cayan de weçînayîşî newe ra bêrê kerdene.
HDP da zanayene, qezaya Şemzînan û bajarokê Bajêrgan ê Geverî yê Colemêrgî de raydayîşê weçînayîşî de bêûsulîye ameya kerdene.
HDP’yî bi îtîrazê îstîsnayî muracatê YSK’yî kerd û ard vîrî ke Şemzînan de HDP'yî 3 hezar 303 rayî, AKP'yî zî 3 hezar 447 rayî girewtî, coka mîyanê înan de teyna 154 rayî estê.
Muracatê îtîrazî de ame vatene ke 8 adresanê cîyayan de heme ci qeydê hezar 976 weçînayoxan ame tespîtkerdene.
HDP da zanayene, eynî rewşe Bajêrganî de zî esta û 6 adresanê cîyayan de qeydê 691 weçînayoxan ame tespîtkerdene. Goreyê netîceyanê fermî yê Bajêrganî AKP'yî 915, HDP'yî zî 838 rayî girewtibî.
HDP’yî waşt, Şemzînan û Bajêrgan de nê netîceyî bêrê etudkerdene û weçînayîş newe ra bêro kerdene.
