HDPyî sîyasetmedaro kurd û wekîlo verên ê înan Şerafettîn Elçî bi mesajêk yad kerd. HDPyî mesajê xo de vist vîrî ke Elçî semedo ke vato 'Tirkîya de kurdî estê, ez zî kurd a' zîndan de mendo.

HDPyî îfade kerd ke Elçîyî pêro emrê xo de têkoşînê demokrasî û haştîye kerd û tewirê Elçîyî seba şaran, bindestan û haştîye tim do bibo çimeyêkê îstîfade.

HDPyî vat: ''Ma Şerafettîn Elçî bi rêzdarî û hesrete yad kenê.''