Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da.

Hemleya Şorişgêre ya Cengê Xebûrî

''Warê Keşanî yê herêma Heftanînî de 30ê teşrîna verêne de hêzanê ma di hetan ra bi hewayêkê koordînekerdeyî da îşxlakeran ro. Netîceya operasyonê serkewteyî yê şorişgêrî  de 6 mewzîyî pîya bi îşxalkerê ke tede bî ameyî îmhakerdene. Reyna mewzîyê hevanî û çeka BKCyî û  çimdarîye zî ameyî îmhakerdene. Di xeymê malzemeyê leşkerî zî ameyî îmhakerdene. Îşxalkeran ser a  çekêka bombaeştişî û  hîrê çekê ferdîyî ameyî wedaritene. Hêzê ma şîyî 6 cenazayanê dişmenî ser û cezakerdişê înan tesbît kerd la hûmara îşxalkeranê ke ameyî cezakerdene safî nêbîye.

Hemleya Şorişgêre ya Bazanê Zagrosî

Eynî roje dormeyê dewa Dayîlanî ya ke mabênê Girê Lêlîkanî û Girê Kevortê yê  Xakurkê de ya hêzanê ma vera îşxalkeran çalakîyêka bitesîre kerde. Çalakîya ke îşxalkerî mesafeyo nêzdî ra hetê hêzanê ma ra pê bombayanê destî û çekanê ferdîyan ameyî pirodayene de 3 îşxalkerî ameyî cezakerdene 2 îşxalkerî zî birîndar bîyî. Badê çalakîye hêzanê îşxalkeran pîya bi  PDKyî herême de operasyono hempar da destpêkerdene. No operasyon roja bîne destveng peyser ame antene.

YJA Star Xakurkê de da piro

Hêzanê ma yê YJA Starî 31ê teşrîna verêne de çarçewa Hemleya ''Vera qirkerdişê cinîyan wext wextê pawitişê cinî û komelê azadî yo'' ya KJKyî de warê Girê Koordîne yê herêma Xakurkê de vera îşxalkeran di hetan ra çalakîya koordînekerdîye kerde. Netîceya çalakîye de kuleyê çîmdarî ame îmhakerdene û tede 2 îşxalkerî ameyî cezakerdene. Reyna 2 sîstemê kameraya mobese, sîstemêkê roşnkerdişî, panelêkê tîje û proyektorêk ameyî îmhakerdene.

Operasyonê îşxalî û hêrişê hewayî

Operasyono ke artêşa tirke 21ê teşrîna verêne de waranê Girê Kartal, Girê Şehîd Rizgar, Girê Şehîd Fırat, Girê Şehîd Elî û Girê Şehîd Direnî yê herêma Avaşînî de dabi destpêkerdene  29ê teşrîna verêne de peyser ame antene. 1ê teşrîna peyêne de Tebûrê Ereban ê  Avaşînî û warê Kunîşka, Karker, Girê Rûbar, Tîpa Tyî yê herêma Avaşnî pê teyarayanê şerî û helikopteranê hêrişî ameyî bombardumankerdene. 2ê teşrîna peyêne de warê Şikefta Birîndara û Çîayê Rêşî pê helîkopteranê hêrişî dîyayî bombayan ver.''