Endama Komîteya Merkezî ya PKKyî Hêlîne Umît programêkê taybetî yê Medya Haber TVyî de vengdayîşê Rayber Apoyî, adirbirnayîşê PKKyî û gamê ke gerek bêrê eştene û averşîyayîşê bînî yê derheqê babete  erjnayî.

Erjnayîşan ra qismêk wina yo:

''Vengdayîşo tarîxî yê Rayber Apoyî de çîyê ke ameyî vatene semedê ma çîyê neweyî nîyê. Xora ma 20 serrî yo na paradîgma ser o perwerde vînenê. Kam ke meraq keno eşkeno 'Pawitişê 5.' biwano. Xora ma no pawitiş 2013 de Kongreya 11. ya PKKyî sey manîfesto qebul kerd û girewt programê xo. Medyaya şerê taybetî ya tirkî  reyna xeberanê xelatan dana û vana ' tenge de mendî coka wina game erzenê'. La no semedê ma çîyêko newe nîyo.

PKKyî bi têkoşînê xo yê 50 serran meseleya kurdan fîna çiman ver, raştîya şarêkî vete werte ke meseleya estbîyayîş û azadîye ciwîyeno. Na mesele fîna çîman ver û ard merhaleya têkoşînî. Ma nika bi vengdayîşê Rayberîye xo bedilnenê. Qerarêkê hewce kenê genê. Seba ke ma Rayberîye fam bikerê gerek têkîlîya ma bi ey bibo. Ma Rayberîya xo zaf hol nas kenê. La seba ke ma nê vengdayîşê ci hol fam bikerê gerek têkîlîya ma bibo.

Gerek Erdogan berpirsîyarîye ramojno. Sey serrokkomar û serekê partîya îqtîdarî gerek derheqê prosesî de tewirê xo ramojno. La na mesla de berpirsîyarîya ra remeno. Erdogan û AKP hem prosesî ra barê xo genê hem zî berpirsîyarîye nêgenê xo ser. Nê semedî ra hem şarê kurdî de hem zî ma qesawet kenê. Nê prosesî bi vengdayîşê Bahçelîyî dest pê kerd la eşkerayîya xo ya 9ê adare de yewna qeyde qisey keno.

Rayberîya ma veng da, PKKyî cewabo pozîtîf da. Gerek nika Rayberîye Îmraliyî bêro vetene. Vengdayîşî vengo pîl vet. No zî raştîya Rayberîye mojeno ra. Reyna no tesîrê PKKyî zî fîneno çiman ver. Wa çew xo mexapîno, mevajo qey Rayberîye û PKKyî zayîfê ra wîna gaman erzenê. Eqsê ci zimayîşê vengdayîşî û tesîrê ci mojneno ke senî pozîsyonê pîlî de yo.

Adirbirnayîşî ra nata hêrişî her roje dewam kenê. No yeno no mana ke tay kesî adirbirnayîş nêwazenê. Ez erjnayîşanê tay hetanê nizdîyan ke ma sey dostanê xo vînenî, teqîp kena. Merdim vano qey 'devlete çîyêk eşt werte, ma cade pa xapîyayî, çeka xo na ro'. Nê kesan heta vîzêrî vatêne 'Şima qey têkoşînê çekdarî kenê'.

Wa no rind bêro vînayene: PKK wazeno xo bibedilno. Nê zerrîya safî ra wazeno. Ez sey mîlîtanêka PKKyî nê vana. PKK wina yew hêz o ke eke xo bibedilnê  Tirkîya zî bedilneno. Eke PKK nê prosesî bi serkewtişî temam bikero Tirkîya zî bedilyena.  Tewirê CHPyî muhîm o. Cehdkerdişê Ozgur Ozelî û ekîbê ci yeno vînayene.  La yew het est o ke nêwezano CHP tewiro raşt bigîro. CHP gerek nê bizano. Kam ke meseleya kurdan çareser bikero kurdan cayê xo de vîneno û gird beno, hezdar beno. Kam ke rolê pozîtîfî kay bikero, şarê kurdî ey keno gird û hêzdar.''