Endama Komîteya Merkezê PKKyî Helîne Umît ANFyî rê derheqê rojdemî de qisey kerd.

Umîte bale ante serê xoverdayîşê şarî kurdî yê seba xelisyayîşî ser û vat: ''Çarçewa Hemleya 'Tecrîd, Faşîzm û Îşxalî rê Bes o, Wext Wextê Azadîye yo' de çalakîyî dewam kenê. Vakur de şaro ke wirişt payan ser bi ruhê serhildanî ablûqaya polîs û leşkeran ê hukmatê AKP-MHPyî şikneno. Sere de Wan û Êlih ez çalakîyanê Sêrt, Şirnex û heme Vakurê Kurdîstanî selam kena. Reyna ez xoverdayîşê zîndanan zî selam kena. Eke îqtîdarê AKP-MHPyî werte ra bêro wedaritene şarê kurdî beno azad û Tirkîya bena demokratîke.

Şarê Vakûrê Kurdîstanî  têkoşînê azadîye yê şarê kurdî rê serkêşîye kerde û heme bedelê serkêşîye dayî. Xeyrê têgêrayîşê azadîye şarê kurdî xo newe ra aferna û çar leteyan de têkoşîn ame vilakerdene. Nika pê tecrîdê serê Rayber Apoyî wazenê verê nê têkoşînî bîgerê. Hêrişê vera Rojawan, Başûr, Şingal û Mexmûrî kenê. Wazenê heme waranê Kurdîstanî îşxal bikerê û heme ercê ma yê ke pê gonîya şehîdan ameyî destfînayene çîn bikerê.

Rayber Apoyî û şarê welatperwerî no têgêrayîş û heme ercê ma afernayî. Nê tewr hole şarê Vakurê Kurdîstanî zano. Coka şarê Vakurî tim bêteredutî wayîrê Rayber Apoyî vejîyeno.  Şarê Vakurî zano ke  wayîrvejîyayîşê Rayber Apoyî wayîrvejîyayîşê heme ercanê neteweyan ê kurdan o. Şarê kurdî yewîya xo ya neteweyîye naya ro. Xeta Rayber Apoyî vindertişêk o. Vindertişê cuya azade û xoserîye yo. Şarê Vakurî pê wayîrvejîyayîşê Rayber Apoyî ramojna ke xora problemê înan sey yewîya neteweyîye çîn o. Rojdemo bingeyî yê şarê kurdî têkoşîn û xoverdayîşê vera faşîzmî yo ke meydanan de no zî ramojna.

Yeno waştinê ke serê tay raştîyan bêro girewtene. Tay rayber û xetê  sexteyî vejîyenê vernî ke verê Şorişê Kurdîstanî bêro girewtene.  Gerek her kes vera nê kayan hîşyar bo. Kurdîstan de xeta têkoşînî zelal a û şarê kurdî na xete de qerardar  aver şino. Nika her çî eşkera meydan de yo.  Eke semedê yewîya neteweyîye çîyêk yeno vatene  û zî vervejîyayîşê  hemkarîya PDKyî ya  dişmenê kurdan o. Îqtîdarê AKP-MHPyî helqeya peyên a sîyasetê înkar û îmhakerdişî yê dewleta tirke yo. Coka heme xirabîyan keno. Bi rijnayîşê îqtîdarê faşîstî astengê verê yewîye û azadîya kurdan qedîyenê. Ganî xoverdayîş bero pîlkerdene ke serkewtiş bêro destfînayene.''