Gerîlayê YJA-Starî  vera hêrişanê îşxalî Herêmanê Pawitişî yê Medya de şer kenê. Gerîlayan Zîlane Devrîm û Hêvîye Amanos ard ziwan ke xoverdayîşê gerîlayan ê cinîyan xeta Bêrîtane ser o yeno kerdene û derheqê babete de ANFyî rê qisey kerd.

Zîlane Devrîm vat: ''Xeta Bêrîtane û çalakîya Bêrîtane pêro cinîyan rê bîye mîsal. Ma sey gerîlayanê YJA-starî xeta Bêrîtane ser o şer kenê û şinê. Aye teslîmîyet qebul nêkerd, vera îxanetî sereyê xo wedarna. Gerîlayê YJA-Starî pê felsefeya Bêrîtane herikîyenê mîyanê têkoşînî. Hemleyê ma yê şorişgêrî zî xeta Bêrîtane ser o şinê. Beno ke ma bedelan bidê, şehadetî bibê la ma her hewayî tewirê cinîyan ê azadan temsîl bikerê. Şerê ma do heta peynî dewam bikerê. Heta azadîye ma do xeta Bêrîtane ser o têkoşîn bikerê.''

Hêvîye Amanos vat: ''Çalakîya Bêrîtane vera hişmendîya şaşe bîye. Çalakîya ci pêro dinya de veng vet. Bi hezaran cinîyê şorişgêrî nika xeta Bêrîtane ser de perwerde vînenê. Ma wazenê wayîrê Bêrîtane vejîyê. Nika koyanê Kurdîstanî de şerêko giran qewimîyeno. Dewleta tirke pê hetkarîya hêzanê herêmîyan hêrişê ma kena. Çalakîya embaze Bêrîtane vera nê îxanetî bîye. Nika Başûr de bi hezaran Bêrîtanî şer kenê û tesîrê komelî kenê. Ma Werxelê de vera çekanê kîmyewîyan rayberîya cinîyan de şer kenê. Dişmen eke ewro vera ma çeka kîmyewîye şuxilneno siba zî do vera şarê Silêmanî û Hewlêrî bişuxilno. Ma do semedê şarê xo zêde xurtêr binê. Xeta embaze Bêrîtane nê hêzî dana ma.''