Hemşaredanê bajarê girdî yê Wanî yê HDP’yî Bedîa Ozgokçe Ertane û Mûstafa Avciyî seyan kesan reyde şîyî şaredarîye û dest bi wezîfeyê xo kerd. Hemşaredar û  girseyî waşt ke vernîya banê HDP’yî yê bajarî ra heta şaredarîye rayra şorê, labelê polîsan destûr nêda. Naye ser o hemwelatijî kewtî mîyanê kuçeyan û ameyî verê banê şaredarîye.

Ozgokçe, verê banê şaredarîye de xîtabê şarê kerd û vat, “Tayînkerdişê qeyûmî derbeyêka gird a. Namzedê AKP’yî yê ke mazbatayê hemşaredaranê ma girewtê, gelo ê do senî bivejîyê huzurê şarê ma û rîyê şarê ma de senî nîyabidê? AKP’yîjan ê ke mazbate girewta ganî cade îstîfa bikerê.”

Mûstafa Avcî zî vat, “ Nê şaredarîyî şaredarîyê şarî yê. Ma na şaredarîye qeyûmî ra ney, Bekîr Kayayî ra do dewr bigîrê.Ma soz dabî şima ke şaredarîye do azad biba. No serkewtiş serkewtişê ma yo.”