Hemşaredaranê Erdîşî yê HDP’yî ke 15 rojî dimayê weçînitişî ra mazbatayê xo roja Dişemeyî girewtî, dest bi karî kerd.

Hemşaredar û encumenê şaredarîye zî tede bi desan kesî ver bi awanîya xizmetî ya Şaredarîya Erdîşî rayra şîyî.

Hemşaredar û ronişteyê qeza waşt ke bikewê awanîya şaredarîye, labelê bi seyan polîsanê ke bi TOMA û wesayîtanê zirxinan ê bi tîpê Akrepî verê şaredarîye de vindertîbî, nêverdayî şar bikewo zere. Destûr ame dayene ke tena hemşaredar û endamê encumenî bikewê zere.

Hemşaredara Erdîşî Yildiz Çetîne verê awanîya şaredarîye de eşkerayîyêka kilme daye û vat ke şaredarî keyeyê şarî ya û ê qebûl nêkenê ke polîsî vernîya şarî bigêrê.

Çetîne vat, “Senî ke ma soz dayo şarê xo, ma do berê şaredarîye heta peynî şarê xo rê akerê. Sînorê verê şaredarîye do wextêkê kilmî de bêrê wedaritene.”