Hemşaredarê HDPyî yê qezaya Sûrî ya Amedî Cemal Ozdemîr o ke 21ê kanûna 2019î de wezîfeyî ra ame dûrîfînayene û di rojî dima ra ame tepiştene roniştişê ci yo diyîn Mehkemeya Cezaya Girane ya 8. ya Amedî ame kerdene.

Ozdemîr Zîndanê Erziromî ra bi sîstemê SEGBÎSî tewrê roniştişî bi. Avukatê Ozdemîrî Şîlane Çelîk û Mehmet Oner zî tewrê ci bîyî. Heyetê mehkeme demê zîndan de mendişî zî hesab kerd û qerarê tehlîye da ci.