Hemşaredarê HDPyî yê qezaya Sûrî ya Amedî Cemal Ozdemîr o ke 21ê kanûna 2019î de wezîfeyî ra ame dûrîfînayene,  cezaya 8 serran û 9 aşman dîyaye ci.

Mehkemeya Cezaya Girane ya 8. ya Amedî de ronişitşê qerarî yê dewaya Ozdemîrî ame kerdene. Ozdemîro ke bi îdîya ''endamîye û propaganya rêxistine'' yeno sûcdarkerdene tewrê roniştişî nêbi.  Avukatê  Ozdemîrî Şîlane Çelîk û Mehmet Oner  tewrê ci bîyî.

Dozgerîye tewrbîyayîşê çalakîyan û aktîvîteyan û endamîya MEYA-DERî sey endamîye û parekerdişê medyaya sosyale zî sey propagandaya rêxistinê hesibnayî û semedê Ozdemîrî 9 ra heta 22 serran û nêm ceza waşte.

Avûkatanê Ozdemîrî seba ke şahîdo nimite yo ke programê pawiitşê şahîdî ra vejîyo, hetê mehkeme ra nêameyo goştarîkerdene û kanitê ke ser o nêameyo muneqeşekerdene mutallade ca genê, nêrazîbîyayîş ramot ke û beraatê muwekîlê xo waşt.

Heyetê mehkemê bi îdîaya ''ednamîya rêxistine'' 1 serre û 7 aşmî û bi îddîya  ''propogandaya rêxisitene'' ra zî 1 serre û  3 aşmî ceza daye Ozdemîrî. Reyna qerar ame dayene  ke do qerarê  tetbîrê vejîyayîşê teberê welatî bêro domnayene û tedbîrê kotnrolê edlî yê îmzaeştişî bêro wedaritene.