Hemserekê HDPyî yê Dîlokî Muslum Kiliç û Hemserekê DBPyî yê Dîlokî Abdullah Înce zî tede 8 kesî bi îdîaya ''endamîya rêxistine'' ameyî tepiştene.

Çarçewa tehqîqatê Serdozgerîya Komare ya Dîlokî de sereştişanê 14ê teşrîna peyêne de Hemserekê HDPyî yê Dîlokî Muslum Kiliç, Hemserekê DBPyî yê Dîlokî Abdullah Înce, Hemserekê HDPyî yê Qezaya Şehîtkamîlî yê Dîlokî Selman Tulumlu û Muslum Ozakn, Emîn Kavak, Mehmet Gumuştekîn, Suleyman Yagiz û Serdar Yildirim amebî destbendkerdene. Nê kesî muameleyanê asayîşî ra dima ameyî sewqkerdene bi Edlîye. 8 kesî bi îdîaya ''endamîya rêxistine'' bi waştişê tepiştişî sewqê mehkeme bîyî û mehkeme de ameyî tepiştene. 8 kesî ameyî berdene bi Zîndanê Girewteyî yê Tîpê Hyî yê Dîlokî.

57 kesê ke 14ê teşrîna peyêne ra heta vizêrî destbendkerdebî înan ra 10 kesî vizêr amebî berdene bi mehkeme û 5ê înan ameyî tepiştene, ê bînî zî bi şertê kontrolê edlî amebî veradayene. Kesê ke heta nika ameyî destbendkerdene 13ê înan ameyî tepiştene. 39 kesê bînî hema zî Mudirîyetê Asayîşî de yenê tepiştene.