Fermandarîya Qerargehê Merkezê Pawitişê Şarî (MPŞ) bi eşkerayîyêka nuştekîye serrgêra 42. ya ronayîşê PKKyî fîraz kerde.

Eşkerayîye wina ya:

''Ma serrgêra 42. ya ronayîşê PKKyî fîraz kenê. Roşanê Gandarbîyayîşî yê Rayberê ma, şarê ma, şehîdanê ma, embazanê ma fîraz bo. Şexsê embaz Hakî Karerî û Kasim Engîn, Egîd Garzan, Egîd Civyan, Leyla Agirî, Amara Ronahî û Yilmaz Dersimî de ma pêro embazanê xo yê şehîdan bi rêz û hûrmetî yad kenê. Ma soz danê ke ma têkoşînê înan do bi serkewtişî tacîdar bikerê.

PKKyî nêverda ke Kurdîstan de merdimîye biqeda û kurdayetîye çin biba. Şarê ma bi têkoşînê destanwarî yê PKKyî ewro bîyo wayîrê rolêkê girîngî. Têkoşînê PKKyî kerd ke şarî yewbînan de bibê way û bira û PKK seba pêro têgêrayîşanê dostan bi hêvîya xelisîyayîşî. Nê esasî ser o ma dewrêkê winasênî de yê ke ma her wextî ra zêdêr nêzdîyê serfîrazîye yê.

Vera partîya û xeta Rayber Apoyî serkêşîya dewleta tirke ya kolonyalîste de hêrişê giranî yenê kerdene. Vera şarê ma zî hetê AKP-MHPyî ra hêrişê giranî yenê kerdene. Hêzê hegmonîkî yê kapîtalîstî, rejîmê dîktayî û bêbextê herêmîyî kenê ke rayîrê azadîya kurdan asteng bikerê Hetêkî ra bazaranê gemarinan çim verdayo destkewteyanê ma hetêkê bînî ra zî vera Rayberê ma îşkence û tecrîd yenê kerdene. 

Bêguman nê hêrişî hetê hemleyanê peyênan ra do bêrê pûçkerdene. Şarê ma bi paradîgmaya komelê demokratîk-ekolojîk-azadîya cinîyan do azadîya xo bivisna destî. Dişmenî Vakur de kontrayê ajanî geşêr kerdî û Başûr de zî bi hemkarîya PDKyî xîret keno ke netîce bigêro. La têgêrayîşê ma do bi rayberîya PKKyî de nê polîtîkayanê şerê taybetî do çin bikerê. Nê prosesê krîtîkî de ganî ma bi pêro hêzanê xo şorê serê dişmenê kolonyalîstî. 

Ma sey Hêzanê Pawitişê Şarî hayîyêmesuldarîyanê xo yê.Eşkera yo ke Gerîlayê Azadîya Kurdîstanî bi keda 42 serran a Rayberîye çarçewa Şerê Şarê Şorişgêrî de bi xurtî  cewabê nê hêrişan bidê. Gerîlayê Modernîteya Demokratîke yê ke bi îdeolojî Rayber Apoyî xo girewt têkoşînê azadîye de wezîfeyanê xo do bîyarê ca. Nê esasî ser o ma reyna serrgêra 42. ya partîya ma PKKyî fîraz kenê û têkoşînê serra 43. de şarê xo û pêro embazanê xo rê serkewtiş wazenê.