Herêm Mehmûd hemverê tecrîdê serê Rayberê Şarê Kurdî Abdullah Ocalanî de 24’ê Sibate ra nata Başûrê Kurdistanî de grevê vêşanîye de yo.

Herêm Mehmûdo ke qijîya xo ra mîyanê xebatanê sîyasîyan de yo vat, “A game pîyê mi mîyanê SOMAR’î de bi. Ez pîyê xo reyde bîya û dima ra sîyaset mûsaya. Pîyê mi 2004 de YNK’yî ra visya. Dima ra unîversîte de têgêrayîşê Goranî awan kerd. Mi zî mîyanê nê têgêrayîşî de ca girewt û heta 2015-2016 mi xebate kerde. Dima ra ez têgêrayîşê GORAN’î ra dûrî kewta û mi Têgêrayîşê Azadîye nas kerd.”

‘Ma Tarîxê Xo Xovîr ra Kerdo’

Mehmûdî derheqê grevanê vêşanîye yê Başûrî de vat ke na reya ewilêne nêya ke çalakîya grevê vêşanîye yena viraştene. Serranê 91-92 de zî grevê vêşanîye ameyo kerdene û keyeyê ci zî tede ca girewto.

Mehmûdî derheqê bêvengîya hemverê çalakîye de vat, “Çi keso ke cuyêka bianore û azade wazeno ganî tê bigêro, bi çalakîyanê ke virazê ganî vengê 4 perçeyanê Kurdistanî bikerê yew. Heta ke ma nêbê yew çew wareyê mîyanneteweyî de goş nêdano ma. Seba naye zî mi hemverê tecrîdê serê Rayberê Şarê Kurdî Abdullah Ocalanî de cayê xo girewt.”

Hemverê Îşxalkaran de Ganî Ma Hîna Zaf Mucadele Bikerê

Mehmûdî bale ante serê zulmo ke dewlete serê Rayberê Şarê Kurdî Abdullah Ocalanî ser o kena û vat “Ganî şarê ma zextê serê Rayber Apoyî qebûl nêkero. Tekane keso ke do problemê Kurdan hal bikero Rayberê Şarê Kurdî Ocalan o. Naye ra hêzê îşxalkarî seba ke fikirê Rayber Apoyî Rojakewtena Mîyanêne de vila nêbê her çîyî kenê, tewr peynî înan kitabê ê qedexe kerdî. Şarê ma ganî na rastîye bivîno û hemverê îşxalkaran de hîna zaf mucadele bikero. Mi her tim waştêne ke şarê xo rê xizmet bikerî û havila mi înan rê bibo. Ez amade ya ke seba nê bedel bidî. Mi her çî da hetêk û mi embaze Leyla Guvene ra hêz girewt.”