Dewleta tirke ya îşxalkere ewro qezaya Seyîdsadiqî ya Silêmanî de bi droneyanê çekdaran  wesayîtê şîrketê medya yê Cahtr Prodoctionîke kedkarê çapemenîya azade kiriştêne hedef girewt. Bombarduman de kedkarê çapemenîya azade Gulîstane Tara û Hêro Bahadîn şehdîb bîyî. Rêbîn Bekiro (30) silêmaniyîj û berpirsîyarê Chatr Productionî hêriş de birîndar bi.

Mudirê Pêroyî yê Chatr Productionî Kemal Heme Rezayî ke derheqê hêrişê dewleta tirke de eşkerayîye daye nê vatî: ''Bêşik dewleta tirke no hêriş bi mudaxaleyê cayî û îstîxbaratî kerd. Tay dezgehanê medya  xebera zûre daye û vat kesê ke hêriş de şehîd bîyî şervanê PKKyî yê. Kesê ke hêriş de şehîd bîyî û birîndar bîyî pêro rojnameger ê û qet eleqaya înan bi sîyasetî çîn a.''

Rezayî vat: ''Gulîsatane Tara bajarê Êlihî yê Vakurkê Kurdîstanî ra ya û rojnemeger a. Reyna Hêro Bahadîn û Rêbîn Bekir zî Silêmanî ra yê û rojnameger ê.''

Kemal Heme Reza vera dezgehanê medya yê ke xeberanê zûran vila kenê veng da ke wa her kes wayîrê heqîqetî bivejîyo.