Rêxistina HDP’yî ya qezaya Bismilî ya Amedî herişê eskeranê Tirkan ê şewa 29’ê Adare yê vera goristanê Kanîya Kurda yo ke şerwanê HPG û YPG’yî zî tede yê, protesto kerd.

Tarîx de tu hêzêk çîyêko winasî nêkerd

Rixmê ablukaya eskeranê Tikran, temsîlkarê HDP û DBP’yî reyde bi desan kesî şîyî goristan. Hemserekê HDP’yî Refaî Baranî goristan de qisey kerd û vat, “Hêrişê ke goristananê Kurdan rê yenê kerdene, tarîx de tu zordarêk çîyko winasî nêkerd.  Nê goran fîşekêk nêeşta kesî. Malê kesî xesp nêkerdo. No şar sîvîl o û domanê nê cayan o. Sûcê înan teyna o yo ke Kurd ê û serê kemeranê goranê domananê xo ro name û zanayîşanê înan bi kurdkî nusenê. Tehemulê na hişmendîye rastîya nê şarî rê çin a.”