Mehlaya Hecîya Kurdan a qezaya Bismilî ya Amedî de hêzanê dewlete bi wesayîtanê zirxinan ê ke  marşê mehterî  cinayêne hêrişê goristanî kerd kerrayê goran ê gerîlayan şikitî.

Dewleta Tirkî ya ke bi hawayêkê sîstematîkî hêrişê goristanan kena,serranê peyênan de bi desan mezelê gerîlayan texrîp  kerdî. Xeylî goristanan de meyîtî gorê înan ra vetî û kirştî cayanê bînan. Dewleta ke hetêk ra goristanan rê hêriş kena, hetêk ra zî meyîtanê gerîlla û tepişteyanê sîyasîyan remnena û destur nêdana bi merasîman bêrê definkerdene. Reyna meyîtanê gerîlayan keyeyanê înan nêdanê û goristananê bêkesan de defin kenê.

Tewr peynî de zî binşewe Bismilê Amedî de hêrişê goristanî kerd. Hêrişê goristnan sucê şerî yo la dewleta Tirkî her tim hêrişê goristananê Kurdan kena.