Verê cû Wan de leşkeran verê çimanê keyeyan kerrayê goranê domananê ci şikitbî. 17ê nîsane de zî dewa tatargazî ya qezaya Malazgirî ya Mûşî de kerrayê goranê Îkram Sîdar û Serkan Çokşenî û 19ê nîsane de zî dewa Suluca ya merkezê Mûşî de 2 kerrayê goranê Meryeme Akpolat û Serhat Akpolatî verê çimanê keyeyanê înan de şikîyayî.

Wekîlê HDPyî yê Mûşî Mensur Işikî babete berde rojdemê Meclîsî. Işikî pare kerd ke şer de zî seba mergan hûrmet yeno mojnayene û waşt ke no binpaykerdişê heqê merdiman cade bêro çareserkerdene.

Mensur Işikî Wezaretê Karanê Zereyî rê ê persî persayî û waşt ke Wezaret cewab bido nê persan:

- Nê gorî pê fermanê dozgerîye şikîyayî?

-Derheqê nê leşkeran de ke gorî şikitî tehqîqatêk dîyayo destpêkerdene?

-Kerrayê nê goran ameyî berdene kamca û ci rê se bî?

- Pê rijnayîşê kerrayanê goran huhmatê şima wazeno se bikero?''