Leşkerê tirkanê ke taxanê Wanî ra gêrênê û qeydê kesanê ke pêkewtişan de şehîd bîyî û keyeyanê ci gênê Erdîş de verê çimanê merdimanê ci de kerrayê di goranê gerîlayan şikitî.

Goreyê zanayîşanê ke hemwelatijan ra ameyî girewtene vizêr saetanê nîmê roje de leşkeran keyayê taxe zî girewtê cayê xo û şîyî goristan. Goristan de verî qeydê kamara ameyî girewtene. Dima ra veng da keyeyanê ke qijê înan pêkewtişan de şehîd bîyî. Merdimanê şehîdan rê ame persayene ke qey înan nameyê bînî yê qijanê xo û şehîd serê kerrayanê goran de nuşto.  Leşkeran vat ê do kerrayanê goran bişiknê. Merdimî şehîdan vera înan vejîyayî la leşkeran goştarîya înan nêkerd, vat talîmat o û hêrişê goran kerd. Leşkeranê ke verê çimanê merdimanê ci kerrayê goranê qijanê înan şikitî gama ke şîyî keyeyî hîşyar kerdî ke ê reyna goran ser o çîyêk menusê.

Leşkeran di rojî verê ci zî qezayanê  Ebex, Bêgirî Seray, Qelqelî de dest nê hêrişan kerd û nika Erdîş û qezayanê bînan de zî hêrişê vera goran danê domnayene.