Rêxistina HDPyî ya Colemêrgî vera hêrişanê nîjadperestan ê vera kurdan bînaya xo de eşkerayîyêke daye. Wekîlê HDPyî Saît Dede, Meclîsê Mayanê Haştîye, hemserekê qezayan û endamê partîye tewrê eşkerayîye bîyî.

Hemsereka Qezaya Merkezî Sîneme Seven eşkerayîye wende. Sevene eşkera kerd ke îqtîdarê AKP-MHPyî tim kurdan û HDP keno hedef û o bi xo mesuldarê nê hêrişan o.  Sevene vat: ''Îqtîdar verê nê hêrişan akeno. Ganî îqtîdar cade nê ziwanê xo yê cîyakerî ra fek vera bido. Nê hêrişî têna pê têkoşînê hemparî yenê astengkerdene. Ma venga rêxistinan, sendîlayan, komanê bawerîyan, roşnvîr û hunermendan danê ke pê têkoşînê hemparî nê hêrişan asteng bikerê.''