Hêrişê îşxalkeran bêmabên dewam kenê
QSDyî da zanayene ke Dewleta Tirkî ya îşxalkere û çeteyanê ci bi çekanê giranan û wesayîtanê hewayî yê bêmerdiman hêrişê xo domnayî.
Merkezê Çapemenîya QSDyî derheqê 24 saetanê payênan ê Xoverdayîşê Anorî de eşkerayîyêk daye û nê pare kerdî.
‘‘Îşxalkerî seba ke cayanê neweyan îşxal bikerî pêroyê cepheyê Til Termirî bi ÎHAyan bombavaran kerd. Eyn Îsayî de zî hêrişan dewam kerd. Dewa Bîr Kîno ya ke nêzdîya Herêma Qiz Alîyî de ya ameyî bombavarankerdene. Reyna dewa Mişrêfa ser o zî bombayî ameyî varnayene. Hêrişanê îşxalkeran de di embazê ma şehîd bîyî 4 zî birîndar bîyî.‘‘
