QSDyî pare kerd ke tîmanê antî-terorî hêzanê Koalîsyonê Mîyanneteweyî reyde Hesekê de vera DAÎŞî operasyonêk kerd. QSDyî derheqê operasyonî de na eşkerayîye daye:

''Tîmanê antî-terorî hêzanê Koalîsyonê Mîyanneteweyî reyde dewa Xirbet Camûsî ya Hesekê de vera endamanê DAÎŞî operasyonêk kerd ke nê endamî hêrişanê vera sivîlan ra mesuldar bîyî. Operasyon de semedo ke cergan xîret kerd ke biremê pêkewtiş qewimîya. Pêkewtiş de yew şerwanê ma şehîd bi. Pêkewtişî ra dima Koalîsyonê Mîyanneteweyî vera cergan fuzeyî eştî. Netîceya operasyonî de 2 cergî kişîyayî û 2 cergî zî tepişîyayî.

Hêzanê ma cigêrayîşê cayê serebûtî de cenazaya domanêke/î dîye. Hêzanê ma semedo ke sebebê mergê domanî/e eşkera bikerê do îfadeyê cerganê tepişteyan bigêrê.''