Cehdkeridşê Edaletî yê seba Roboskî aşma 107. ya Qirkerdişê Roboskî de ke tede 19ê ci domanî 34 sivîlî ameyî qetilkerdene, Şubeyê Anqara yê Komeleya Heqanê Merdiman (ÎHD) de eşkerayîyêke daye.

Bi nameyê cehdkerdişî Tanju Gunduzalpî ke qisey kerd ard vîrî qirkerdişî serî ra 3 hezar û 258 rojî ravêrtî hema zî edelat nêameyo caardene.

Gunduzalpî vat: ''Huqûqê zereyî de heme rayîrî ameyî girewtene. Dima qerarê Mehkemeya Heqanê Merdiman a Ewropa zî vera têkoşînê huqûqî yê keyeyanê Roboskî bi sebebê ezîyetî. Qirkerdişê Tirkîya bi bêcazayîye yenê xelatkerdene. Wina tradîsyon esto la yew xuyê raştîyan zî esto ke tewr peynî vejîyenê meydan. Raştîya qirkerdişê merdimanê besûcan nîna nimitene. Serê nê qirkerdişî bêro girewtene zî no heqîqet nêbedilyeno. Heta ke edalet nêro Roboskî do nêro Tirkîya zî. Ma do her 28ê aşme de veng bidê û bifînî vîrî. Ma do vajê bêrê ma pîya vengê xo berz bikerê. Roboskî îmtîhanê dewlete û îqtîdarî yo. Na herre de rayîrê edalet û haştîye miheqeq verî Roboskî ra ravêreno.''