Gerîlaya YJA-Starî Hêvî Ronya qala şehîdanê Cengê Heftanînî  Zeynepe, Hozan, Argeş, Mazlûm, Zana û Mizgîne kerde.

Ronya vat: ''Wextê operasyonê Kartalî dest pêkerd embazî Zeynepe, Hozan, Gever, Evîne û Şoreş pîya bibî. Zeynepe wazena hetkarîya embazan ê birîndaran bikera. Embazî tira vanê wa şore la a nêşina. Wexto ke embaz Hozan birîndaran beno Zeynepe şer kena. Dima Zeynepe û Hozan yenê têhet û yewbînan nêverdenê. Heta peyênî vera dişmenî şer kenê û xo pawenê. Embaze Zeynepe û embaz Hozan derbêkê giranî danê dişmenî ro. Dişmen poşman bi ke ameyo uca. No seba ma serkewtiş o.

Embaze Evîne zî nêwazena birîndaran biterikna. Teyarayê keşfî serê înan de gêrenê. A zî bê nê hawayî şehîd bîye.

Embaz Argeş û Mazlûm herêma Dûpişkî de şehîd bîyî. Embaz Mazlûmî mi rê rayêke vatbi ke o seba cengî ameyo. Şer de zî cuye de zî tewirê ci seyci bi. Cewabêko xurt da dişmen û wina şehîd bi. Embaz Argeş kedkar û samîmî bi û tim moral dayêne embazan. Embaz Hozan sey koyan bi, her tim hetkarîya her kesî dayêne. Wexto ke qisey kerdêne zaf bicoş bibîyêne.

Embaz Zana mana dayêne her xebate û tim ser kewtêne. Embaze Mizgîne zî sey ey bîye; mana dayêne embazîye. Operasyonan de tim vernî de şîyêne. Ma do  seba pêro cinîyan û şaranê Rojhelatê Mîyanênî xo ver bidê.''