Gelhat (Eylul) Canda, Ekrem Şîmşek 15'ê Tebaxe 1993 de Bîsmîlî yê Amedî de ame dinya. Amed sey sembolê xoverdayîşî yeno naskerdene. Gerîla Gelhat domanê keyeyêk welatperwerî yo. Domanîya xo ra nat mîyanê cigêrayîşan de bi. Dimayo ke Lîse Amed de qedêneno, şino Çewlîg de unîversîte waneno. Gelhat Canda uca xeylî rastîyan de yeno têrî, qirkerdişê ziwanî û alayan ê wendegehan qebûl nêkeno. Gerîla Gelhat mîyanê xebatanê sîyasî û ciwanan de ca gêno, polîtîkayanê qilêrinan bi hawayêko zelal vîneno û naye ser o qerarê tewrbîyayîşê gerîlayan dano. Çunke êdî teyna xebatê sîyasî û ciwanan ey mird nêkenê, timî xo kêm vîneno. Bi nê qerarî 2014 de tewrê mîyanê refê gerîlayan beno.

Gerîla Gelhat wina qalê tewrbîyayîşê xo keno: ''7'ê Êlule 2014 de ma fam kerd ke sey her ciwanêkê Kurdistanî ganî ma zî tewrê mîyanê refê gerîlayan bibê. 8'ê Êlule 2014 ez zî Licê ra tewrê gerîlayan bîya. Dişmen bi gonîwerîye, bi erd, bi ziwan, kultur û merdimîya ma kay keno. Wexto ke ez tewrê mîyanê refê PKK’yî bîya xeylî hetan ra ez bîya şaş û menda. PKK yo ke ma mîyanê sîstemî de nas kerdo û o yo ke ma mîyanê refanê ci de ca girewto xeylî yewbînî ra cîya yê. Mi vat beno ke şert û şurtê koyan giran ê û ez do bi nê hîsan nêmusena ci. La dimayo ke tewrê mîyanê gerîlayna bîya, bi Rayber Apoyî û hemrayîya ke hevalan nîşan daya, mi sirê vera her çetinîye vejîyayîşî dî û no zî heqîqetê cuye yo.

Cuyêka biedalet a. Bi hemrayîya tîyayî merdim eşkeno heme zor û zehmetîyan ra derbaz bo. Dimayo ke ez tewr bîya zêdetir ez karê gumrikî de eleqedar bîya. Karê gumrikî hîratir karê mîyanê şarî bi. Bi nê hawayî  têkilîya ma ya bi şarî zêdetir bîye. Wexto ke ma xo şarê ma reyde nayêne têver, mîyanê sîstemî de ma zî sey înan ciwîyêne. Rastîya Rayberîye û PKK’yî, ma fam kerd ke îdeolojî yo ke cuya merdimîye xo rê esas gêno yo. Têkilîya hemrayîye û tewirê cuye ya kominal a PKK’yî mi ser o zaf tesîr kerd. Mîyanê rêxistine de zî ruhê fedayî yê hemrayan zaf têsîr bi mi kerd.”

Êlkê de şehîd kewt

Gerîla Gelhat dimeyo ke wextêk Başûr de mend, bi pêşnîyaza xo mîyanê gruba Vakurî de ca girewt, çîyê ke o ciwîyabi wina ardibi ziwan, “Şîyayîşê Vakurê Kurdistanî hîsêko zaf cîya yo. Ma serê erdo ke ma ser o ciwîyenê de zaf zext û zordarîya dişmenî dîye. Nika zî ma şinê ke vera dişmenî şer bikerê. Şerê bi her hetî; hem hetê cuye ra hem zî hetê psîkolojî ra. No şar hêjayê her çîyî yo. Bi taybetî tecrîdê serê Rayberîye nêno qebûlkerdene.

Ma amade yê ke seba Rayberîye canê xo bidê. Merdim nêeşkeno hîsanê xo bîyaro ziwan. No hîsêko zaf gird o, ez zî mîyanê gruba Botanî de bîya. Botan sey kelaya xoverdayîşî yeno zanitene. Bi nê hîsan ma şinê Vakur. Heta ke Rayberîye û şarê Kurdî azad bibo her gerîlayêk heta dilopa gonîya xo ya peyêne do xo ver ro bido û şer bikero. Dewleta Tirkî ganî bizano ma do şehîdan bidê. La ma do bibê bi hezaran û bêrê koyan.”

Gerîla Gelhat 2015 de Êlkê de, wextê Operasyonê Şorişgerî yê Êlkê de şerê vera dewleta Tirkî de teba 13 hevalanê xo ra şehîd kewt.