Xeylî wezîfedarê banderîye, roşnvîr, avûkat, alîmê dînî û aktîvîstê ke Merkezê Partîya Komînîstî ya Hewlêrî de ameyî têhet bi eşkerayîyêk da pêhesnayene ke înan vera hêrişanê îşxalkarîye yê serê Başûrê Kurdistanî yê dewleta Tirkî Hewlêr de Têgêrayîşê Haştîye yê Vera Şerî nayo ro.

Endamê Têgêrayîşê Haştîye yê Vera Şerî Zîrek Gerîdî da zanayene ke  înan vera hêriş û îşxalê dewleta Tirkî heyetêk pêard û va: ‘’Rojanê verê ma de ma do bi partîyanê sîyasîyan û  konsolosxaneyan ê ke Başûrê Kurdistanî de yê û serokkomar û parlamentoyê Iraqî dir pêvînayîşan virezê. Waştişê ma oyo ke ma hêrişê dewleta Tirkî yê vera Başûrê Kurdistanî bido vidarnayene.