Heyetê KNKyî rayberîya Hemserekê KNKyî Ehmed Qeremusî de çarçewa zîyaretanê sîyasîyan de Silêmanî de heyetêkê Têgêrayîşê Goranî de kombîyayîşêk kerd.

Kombîyayîşî ra dima eşkerayîya çapemenîye ameye dayene. Vervatoxê Têgêrayîşê Goranî Ednan Osmanî pare kerd ke zîyaretê KNKyî çarçewa xîretanê seba aramîya Herêma Kurdîstanî û alozîyan ê peyênan de bi.

Osmanî vat: ''Ewro ma serebûtanê peyênan ser o qisey kerd. Rayîrê çareserîye dîyalog o. Verî zî parlamento şerê zereyî heram kerdbi Ganî terefê sîyasîyî girêdayîyê na bire bibê.''

Hemserekê KNKyî Ehmed Qeremusî zî eşkerayîya çapemenîye de qisey kerd û vat: ''ArmancêKNKyî viraştişê zemînê dîyalogan o. Seba ke alozîye nêqewimîyaye ganî terefê sîyasîyî dest pê dîyalogan bikerê û nakokîyan çareser bikerê. Eke mabênê kurdan de şerêk biqewimo destkewteyê ma zî do destî ra şorê.''

Qeremusî peynîya qiseykerdişê xo de vat: ''Ma waşt ke Mesûd Barzanî, Serekê Herêma Kurdîstanî Nêçîrvan Barzanî û Serekê reyde zî kom bibê. La heta nika înan yew cewab nêda ma.''