Teyarayanê bêmerdiman ê çekdaran (SÎHA) ra TB2 Bayraktar hetê gerîlayan ra ame warvistene. Na teyaraya ke hetê zamayê Erdoganî ra virazîyena 2015î ra nata şerê vera kurdan de şuxilîyena.

Vera hêrişanê îşxalî yê dewleta tirke herêmanê Metîna, Zap û Avaşînî de xoverdayîşê gerîlayan dewam keno. Artêşa îşxalkere pê pêro îmkan û çekanê xo hêrişê gerîlayan kena. 

Nê çekan ra yew zî teyaraya keşfî ya bi tîpê TB2 Bayraktarî ya ke hetê şîrketa zamayê Erdoganî Selçuk Bayraktarî ra virazîyena. Na çeke 2015 ra nata Kurdîstan, Sûrîye, Lîbya û Karabag de şuxilîyaye û nika zî roşîyena Qatar, Ukrayna û Azerbaycanî. 

Dîya zanayene ke 21ê gulane de na teyara hetê hêzanê gerîlayan ra herêma Zêbarî ya Akrê de ameye warvistene. Na herême warê koyan o û mabênê herêma Kurojehroyî ya Zapî û warê Heft Tebaxe yê Garê de ca gêna.

 Derheqê metodê çalakîye de HPGyî hema agahîye nêdaye. Hêzanê Pawitişê Hewayî yê Şehîde Delale çend reyî çalakîyê winasênî kerdbi.