Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

12ê teşrîna peyêne de Warê Xoverdayîşî yê Çemçoyî de îşxalkerê ke ver bi mewzîyanê şerî yê Şehîd Botanî şîyênî ameyî pirodayene, îşxalkerêk ame cezakerdene. Çalakîya binê yê warê Çemçoyî de îşxalkerêk ame cezakerdene.  Eynî roje Warê Xoverdayîşî yê Sîda de îşxalkeranê ke waşt pîya bi kutukan bikewê mewzîyanê şerî yê Şehîd Felatî bi taktîkê sabotajî 2 rey ameyî pirodayene. Na çalkîye de 2 îşxalkerî ameyî cezakerdene û 2 kutikî ameyî bêtesîrkerdene.

11ê teşrîya peyêne de Warê Xoverdayîşî yê Girê FMyî de îşxalkerî hetê hêzanê ma ra dîyayî xapî ro û pê çekanê ferdîyan û bombayanê destan ameyî pirodayene. Na çalakîye de 6 îşxalkerî ameyî cezakerdene û 3 îşxalkerî birîndar bîyî. 12ê teşrîya peyêne Warê Xoverdayîşî yê Girê Cûdîyî de îşxalkerî bi taktîkê suîkastî ameyî pirodayene, îşxlakerêk ame cezakerdene.  Reyna helîkopterêko ke ame pirodayene mecbur mend ke herême ra peyser agêro.

Artêşa tirke ya îşxalkere mezîyê şerî yê Şehîd Yunusî û Şehîd Çekdarî yê Warê Xoverdayîşî yê Girê Cûdîyî, mewzîyê şerî yê Şehîd Doganî û Şehîd Felatî yê  Warê Xoverdayîşî yê Sîda pê bombayanê qedexeyan û çekanê kîmyewîyan dayî bombayan ver. Reyna Warê Xoverdayîşî yê Şehîd Fedakar, Girê Cûdî, Girê FM, Girê Amediyê, Sîda, Çemço û warê Maranê, Gundê Kanîsarkê û Gundê Bêbade yê Garê pê teyarayanê şerî, helîkopteranê hêrişî, obus, tanq, havan û çekanê giranan dîyayî bombayan ver.''