Merkezê Îrtîbatî û Çapemenîye yê HPGyî derheqê çalakyanê gerîlayan û hêrişê artêşa tirke de eşkerayîye daye û nê pare kerdî:

''Gerîlayanê Azadîye yê Kurdîstanî serkêşîya hêzanê ma yê YJA Starî de semedê selamkerdişê serrgêra 18. ya Hemelya 1ê Hezîrene çalakîyê bitesîrî kerdî. Nê çalakîyan de 47 îşxalkerî ameyî cezakerdene, 8 îşxalkerî birîndar bîyî 2 helîkopterî ameyî derbkerdene. Detayê çalakîyan wina yê:

Avaşîn

30ê gulane de Warê Xoverdayîşî yê Werxelê de îşxalkeranê ke pê çekanê kîmyewîyan û teqaberan war bidê bombayan ver hetê hêzanê ma ra ameyî pirodayene û mecbûr mendê ke gamêke peyser agêrê.

Zap

Hemleya Şorişgêre ya Şehîd Savaş Maraşî

29ê gulane de skorskyanê ke leşkerî kiriştêne herêma Şehîd Leşkerî yê  Warê Xoverdayîşî yê Girê Cûdîyî hetê hêzanê ma ra ameyî pirodayene û mecbûr mendê ke peyser agêrê. Eynî roje hêzanê ma yê YJA Starî de derûdorê Girê Şehîd Nalîne yê Warê Xoverdayîşî yê Girê FMyî de da piro, îşxalkerêk ame cezakerdene. 30ê gulane de qirrika Şehîd Savuşka ya Girê Cûdîyî de îşalkerêke ameyî pirodayene, remayî, erazî ra vila bîyî.

Hemleya Şorişgêre ya Bazanê Zagrosî

29ê  gulane de grûbêka leşkeranê bayeberzan waşt bikewo warê Şehîd Berxwedanî yê Warê Xoverdayîşî yê Şehîd Şahînî. Nê îşxalkerî hetê hêzanê ma ra bi taktîkê sabotajî ameyî pirodayene. Teqayîş de 2 îşxalkerî kaşî ra ginayî war û 2 îşxalkerî pê çekanê ferdîyan ameyî pirodayene. Çalakîye de 4 îşxalkerî ameyî cezakerdene û çeke û malzemeyê înan o leşkerî ame îmhakerdene. 2 cenazayê îşxalkeran binê kontrolê hêzanê ma de yê. Saetanê şanî de îşxalkerî reyna ameyî pirodayene û verê înan ame girewtene.  

Warê Xoverdayîşî yê Karkerî de zî hêzanê ma yê YJA Starî des rey bi taktîkê saobtajî da îşxalkeran ro, 6 îşxalkerî ameyî cezakerdene. Eynî saete de dormeyê mewzîyanê şerî de îşxalkerî têdima ameyî pirodayene. Çalakîyanê cîya cîyayan de 11 îşxalkerî ameyî cezakerdene û îşxalkerêk birîndar bi. Îşxalkeran waşt bi çekanê kîmyewîya û teqberan hêrişê mewzîyan şerî bikerê, hêzanê ma yê YJA Starî bi çekanê ferdîyan înan ro, 2 îşxalkerî ameyî cezakerdene û îşxalkeran teqaberê xo caverda remayî. Eynî roje hêzanê ma yê YJA Starî des rey bi taktîkê sûîkastî da îşxalkeran ro, 6 îşxalkerî ameyî cezakerdene û 4 îşxalkerî birîndar bîyî. Serkêşîya YJA Starî de pêro pîya 25 îşxalkerî ameyî cezakerdene û 5 îşxalkerî birîndar bîyî.

Eynî roje Warê Xoverdayîşî yê Çîyareş  û Warê Xoverdayîşî yê Şehîd Şahînî de îşxalkerêkê ameyî prodayene mecbûr mendê ke gamêke peyser agerê. 30ê gulane de warê Karkerî de çalakîya YJA Starî de 2 îşxalkerî ameyî cezakerdene.

Metîna

Hemleya Şorişgêre ya Cengê Xabûrî

29ê  gulane de mabênê Girê Şehîd Zemanî û warê Şehîd Akîfî yê Warê Xoverdayîşî yê Girê Hakkarî de 4 îşxalkerî ameyî cezakerdene û îşxalkerêk birîndar bi. Eynî roje saetanê vera şanî de tîya îşxalkerî reyna mesafeyo nêzdî ra di hetan ra emeyî pirodayene, 11 îşxalkerî ameyî cezakerdene û 2 îşxalkerî birîndar bîyî.

Gerîlayêk tewrê kerwanê bêmergan bi

Na çalakîya serkewtîye de hemrayê ma Sîyabendo ke derbeyê pîlî dayî dişmenî ro û şi 9 cenazayanê înan ser tewrê qehremananê bêmergan bi. Hemrayê Sîyabendo ke semedê serkewtişê çalakîye keda pîle daye û serkêşîya embazanê xo kerd derheqê nasnameyê ci de do zanayîşo hîra peyra bêro dayene.

Bombarduman

29ê gulane de Şikefta Birîndara, Girê Şehîd Berxwedan û Girê Cehennemî yê herêma Zapî û Warê Xoverdayîşî yê Werxelê yê herêma Avaşînî 27 rey pê çekanê kîmyewîyan û teqaberan dîyayî bombayan ver. Eynî roje warê Girê Cûdî, Girê FM, Girê Amediye, Şikefta Birîndara, Karker, Çiyareş, Girê Cehennem, Şehîd Şahîn, Girê Rûbar, Saca, Çemço û Rênçbir Axa yê herêma Zapî, warê Girê Ortê, Girê Şehîd Zemanî, Girê Şehîd Merwan û Kanî Botkê yê Metîna, Warê Xoverdayîşî yê Werxelê yê herêma Avaşînî û derûdorê dewa Şikeftîyan ê herêma Garê bi desan rey pê teyarayanê şerî û obusan dîyayî bombayan ver.''