Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

''Hêzanê ma semedê pîrozkerdişê serrgêra ronayîşê PKKyî û şexsê Endamê Fermandarîya Eyaletî ya Metîna Nur Yekta de qesasgirewtişê heme embazanê ma yê ke pê çekanê kîmyewîyan şehîd bîyî Warê Xoverdayîşî yê Girê Hakarî de operasyono şorişgêr kerd. Detayê çalakîyan wina yê;

27ê teşrîna peyêne de Warê Xoverdayîş yê Sîda de îşxalkerî hetê hêzanê ma ra pê çekanê kîmyewîyan ameyî pirodayene, 3 îşxalkerî ameyî cezakerdene. Reyna herême de helîkopterêkê hêrişî hetê hêzanê ma ra ame hedefgirewtene û mecbur mend herême ra bikewo dûrî. Warê Xoverdayîşî yê Çemçoyî de zî îşxalkerî hetê hêzanê ma ra di hetan ra ameyî pirodayene.

26ê teşrîna verêne de  Warê Xoverdayîşî yê Girê Hakarî de vera îşxalkeran operasyono şorişêr ame destpêkerdene. Çarçeweya operasyonî de Girê Şehîd Zemanî de îşxalkerî hîre hetan ra ameyî pirodayene. Hêzê ma yê ke şîyî dişmenî ser 17 mewzîyê dişmenî dayî war. Hêzanê ma yê ke Girê Şehîd Zemanî heme girewt binê kontrolê xo tîya 2 çekê A4 fînayî dest û vera dişmenî şuxulnayî. Çekê ferdî û cepilxaneyê îşxalkeran zî ame destfînayene vera înan ame şuxulnayeye. Embarê zexîre zî ame îmhakerdene.

Hemrayê ma fermandar Amedo ke bi ruhê fedayîyî şi dişmenî ser rixmo ke birîndar bi operasyon da domnayene û  birndar şer kerd. Hemrayê Amed, Binevş û Baran heta nefesê xo yê peyênî şer kerd û tewrê kerwanê şehîdan bîyî.
Bi hewayêkê hemwext Girê Şehîd Akîf û Girê Şehîd Viyane de îşxalkerî  di hetan ra meyî pirodayene, tewr tay 5 îşxalkerî ameyî cezakerdene.
Nê operasyonê şorişgêrî de 42 îşxalkerî  pîya bi fermandaranê xo ameyî cezakerdene û xeylêk çeke û cepilxane ame destfînayene ke mîyanê ci de kasturaya ya ke serê  ci de nameyê Oguzhan Alp nuşte bi est bî.

26 teşrîna peyêne de Warê Xoverdayîşî yê Girê Cudîyî de di sîstemê sensorî ameyî îmhakerdene. Roja bîne eynî warî de çalakîya YJA Starî de îşxalkerêk ame cezakerdene. Saetanê vera şanî de yewna çalakîye ameye kerdene, îşxalkerêk ame cezakerdene û 2 îşxalker birîndar bîyî.

26 û 27 teşrîna peyêne de îşxalkeran reyna pê bombayanê qedexeyan û çekanê kîmyewîyan da mewzîyanê şerîyê Girê Şehîd Çekdarî yê Warê Xoverdayîşî yê Girê Cûdîyî ro. Reyna mewzîyê şerî yê Warê Xoverdayîşî yê Kurojahro, Saca, Girê Cûdî ,Girê Amediyê, Girê Hakkarî, Sîda, Çemço, Girê Fmyî pê helîkoteranê hêrişî, obus, çekanê giranan û tanqan dîyayî bombayan ver. ''