Merkezê Îrtîbatî û Çapemenîye yê HPGyî  derheqê qewimîyayîşanê dewa Bêbadê ya bajarekê Çemankê yê Başûrê Kurdîstanî yê 4ê teşrîna peyêne de eşkerayîye daye û mesele safî kerde.

HPGyî wina vat: ''Xebere û eşkerayîyanê tay organanê medya de  yeno vatene ke 4ê teşrîna peyên a 2020î de qewimîyayîşê nizdê dewa Bêbadê ya bajarekê Çemankê de hêzanê ma hêriş kerdo. Nê xeberî û eşkerayîye ke qala ci yena kerdene raşt nîyê.

Hêzanê ma qet hêriş nêkerd. Kampa ke hêzê ma tede di perran bi tewirê operasyonî ame dekewtene. Serebûtî wina qewimîyayî. Ma semedê nê qewimîyayîşan qehrîyaye yê. Xora ma eşkerayîyayan û hîşyarkerdişanê  xo yê verînan de zî seba ke çîyêko winayên meqewimîyo veng dabi. Reyna ma veng danê ke wa operasyonê vera kampanê ma bêrê vindarnayene û heme problemî bi dîyalogî bêrê çareserkerdene.''